2026 йил 21 май куни «Fargʻona invest kompaniyasi» АЖ фаолияти билан таништириш ҳамда соҳадаги норматив-ҳуқуқий ҳужжатлар ижросига бағишланган йиғилиш бўлиб ўтди.
Унда Фарғона шаҳар ҳокими Восилжон Назаров, «Fargʻona invest kompaniyasi» АЖ раҳбари Муҳаммаджон Собиров ҳамда шаҳар солиқ инспекцияси раҳбарияти иштирок этди.
Йиғилиш давомида Ўзбекистон Республикаси Вазирлар Маҳкамасининг 2026 йил 8 апрелдаги 151-сонли қарорига асосан ташкил этилган «Fargʻona invest kompaniyasi» АЖнинг асосий фаолият йўналишлари, амалга оширилаётган ишлар ҳамда келгусидаги вазифалар ҳақида маълумот берилди.Шунингдек, Ўзбекистон Республикаси Вазирлар Маҳкамасининг 2025 йил 31 июлдаги ВМ-478-сонли “Тадбиркорлик субъектларига туташ ҳудудлардан мавсумий фойдаланишни ташкил этишни янада соддалаштириш чора-тадбирлари тўғрисида”ги қарори мазмун-моҳияти ва уни амалга ошириш механизмларига бағишланган йиғилиш ўтказилди.
Йиғилишда қарор ижросини таъминлаш мақсадида маҳаллаларда фаолият юритаётган тадбиркорлик субъектлари, автотураргоҳлар, ташқи реклама воситалари ҳамда қарорда белгиланган бошқа объектларни хатловдан ўтказиш бўйича мутасаддиларга тегишли топшириқлар берилди.